O Concello de Rianxo puxo a disposición da cidadanía unha nova canle de WhatsApp a través da cal informarase polo miúdo de toda a axenda e a actualidade municipal, así como dos avisos de relevancia “dun xeito sinxelo e instantáneo”. As persoas interesadas en beneficiarse da información xerada por esta canle poden acceder xa á web do servizo de mensaxes. O Concello tamén lembra que a veciñanza de Rianxo tamén ten á súa disposición o número 607 77 46 33 para facerlle chegar ao Concello de Rianxo, a través da mesma aplicación, incidencias de calquera tipo.
