O Concello de Boiro, a través da área de Política Social e Igualdade, pon en marcha un servizo de información en materia de saúde sexual e afectiva para a mocidade, especialmente destinado a adolescentes. Trátase dunha iniciativa de divulgación e asesoramento gratuíto que estará dispoñíbei a partir do mes de marzo.
Este servizo, atendido por unha psicóloga, estará operativo segundos xoves de mes en horario de 15.30 a 20.30 horas no andar baixo da Casa Consistorial de Boiro. O obxectivo desta iniciativa é “dar unha formación en educación afectivo sexual que lle sirva aos adolescentes a tomar mellores decisións para coñecer e respectar o noso corpo e relacionarnos de forma máis saudábel, libre e responsábel”, sinalou o Concello.
O servizo é confidencial e gratuíto e non precisa de cita previa.
