Esta fin de semana celébrase en Ribeira a primeira Andaina Solidaria Art for Dent organizada pola Asociación Galega da Enfermidade de Dent xunto co Colexio Galaxia coa colaboración de empresas como CONGALSA ou o Concello. Será o domingo 17 de marzo con saída na praza de España a partir das 11.00 horas.
A Asociación Art for Dent está formada por familias de Galicia e Asturias, unidas para loitar contra esta enfermidade minoritaria que afecta gravemente aos riles.
O obxectivo principal da asociación con actividades coma a programada para este domingo en Ribeira é o de visibilizar e recadar fondos para a investigación desta “enfermidade rara” que leva a cabo o Instituto de Investigación Sanitaria de Santiago.
A andaina organizada en Ribeira será como dixemos este 17 de marzo con saída dende a praza de España e cun percorrido de 6 km ata Pedra da Ra.
As inscricións poderanse realizar a través da web de www.deporticket.com ou ben nas instalacións do Colexio Galaxia en Ribeira.
