Co fin de sensibilizar á poboación sobre a necesidade de responsabilizarse dos seus animais e contribuír á limpeza e o bo estado de rúas, e tamén á convivencia, o Concello de Noia puxo en marcha unha campaña de limpeza e recollida de excrementos animais nos espazos urbanos.
Na iniciativa faise saber que “manter as nosas rúas limpas non só embelece a nosa vila, senón que tamén promove a saúde pública e o respecto cara aos nosos veciños e veciñas”. A campaña inclúe un vídeo no que se convida á crear entre “todas e todos un lugar máis limpo”. Podemos ver o dito audiovisual nas redes sociais do Concello, por exemplo no Facebook.
