A Pobra colabora no proxecto ESCLIMATIC que mide o impacto do cambio climático en empresas vinculadas ao mar

27 Marzo 2024

A cooperativa Dálle que Dálle atópase inmersa nun proxecto co obxectivo de crear unha ferramenta interactiva e intuitiva para o autodiagnóstico e a planificación estratéxica do impacto do cambio climático nas pequenas e medianas empresas dos servizos ecosistémicos da ría da Arousa. O seu nome: ESCLIMATIC.
Un dos entes colaboradores é a Concellaría da Promoción Económica da Pobra do Caramiñal, para a cal “é moi importante apoiar iniciativas desta índole que beneficien os negocios con actividades vinculadas ao mar, pois o sector do mar é moi importante para A Pobra do Caramiñal, tanto dende a perspectiva social coma dende a económica, debido á cantidade de emprego que xera de maneira directa e indirecta”, declara a edil Amparo Cerecedo. Engade que “este constitúe un paso máis no noso apoio a este sector” ao abeiro da cooperación establecida coa confraría para a diversificación da actividade desta.
Durante o proxecto aplicaranse métodos colaborativos para a identificación de estresantes e impactos presentes e futuros que afectan directamente as e os produtores primarios (mariscadoras/es, pescadoras/es, mergulladoras/es ou outras) para, posteriormente, deseñar unha estratexia de adaptación para toda a cadea produtiva que permita a colaboración entre os diferentes axentes.
Pero esta non é a única iniciativa coa cal a Administración local establece sinerxías coa dita cooperativa en materia de dinamización. En 2023 botou a andar “A todo piñón”: escola de segunda oportunidade do Barbanza, un proxecto formativo posto en marcha polo Concello, co apoio da comunidade educativa e o tecido empresarial, focalizado na mellora das competencias prelaborais e profesionais da xente moza de entre 16 e 30 anos de toda a comarca a través da mobilidade sostible e a economía circular, ao tempo que se busca contribuír á creación de emprego na localidade.

Outros artigos

Publicidade

Revista en papel

Opinión

“La gente”. Mario Clavell

“La gente”. Mario Clavell

En mis tertulias oigo generalizaciones tales ‘la gente escapa de Compostela’ o ‘la gente está hasta el gorro de Pedro Sánchez’ …  ¿Quién es la gente’?, ¿la sociedad?, ¿la nación?, ¿toda la nación?, ¿la colectividad, la humanidad? ‘La gente’ es demasiada gente y...

“Agresións, vexacións e torturas” – José Manuel Pena

“Agresións, vexacións e torturas” – José Manuel Pena

Desde Amnistía Internacional e algúns medios de comunicación están a denunciarse varios casos de agresións, vexacións e torturas, por parte dun grupo de militares españois, cara a algúns migrantes africanos chegados á cidade autónoma de Ceuta, algúns deles menores de...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.