A mina de San Finx declara ante o Xulgado de Noia polas verteduras tóxicas

04 Marzo 2024

Na mañá deste luns día 4, declarou ante o Xulgado de Instrución N.º 2 de Noia o representante de Tungsten San Finx, a empresa concesionaria da polémica mina en Lousame, empresa imputada por presuntos delitos contra o ambiente e os recursos naturais. A vista, posposta en varias ocasións, é consecuencia da denuncia interposta polas confrarías de pescadores de Noia e Portosín, á que se adheriron organizacións ecoloxistas como acusación popular medioambiental.

Diante do Xulgado e Noia concentráronse ducias de representantes dos colectivos do mar, ecoloxistas e sociais para amosar a súa repulsa á actuación da empresa mineira e demandar á Administración galega medidas inmediatas para solucionar o problema ambiental, dado que as verteduras, sinalaron, “prodúcense a apenas 7 km da ría de Muros e Noia e do LIC Esteiro do Tambre, espazo da Rede Natura 2000”.

As entidades esixen á Xunta que “impoña de inmediato as fianzas necesarias, ante o risco de evasión da empresa, e que aplique o canon de control de vertidos para garantir que se leven a cabo as actuacións necesarias para impedir a continuidade das verteduras, así como a restauración da zona afectada polas presas de residuos mineiros abandonadas”. 

“A solución pasa por taponar as galerías de desaugue e selar os centos de labores mineiras polas que se infiltra a auga”, apuntou Joám Evans, voceiro de Ecoloxistas en Acción e da Plataforma comarcal contra as verteduras.

Ecoloxistas en Acción alerta de “que a día de hoxe non se coñece a identidade dos titulares reais da mina, unha vez que o control da empresa pantalla Metais Estratéxicos S.L., cun capital de apenas 3.000 euros, exércese a través de empresas interpostas situadas en xurisdicións opacas e paraísos fiscais”. 

Os ecoloxistas tamén sinalan que “a presenza como administrador de Miguel Cabal, relacionado co empresario colombiano Serafino Iacono, vinculado aos famosos Papeis de Panamá, ten feito saltar todas as alarmas polo risco de fuga”. E engaden: “A falla da presa de residuos mineiros abandonada sería catastrófica, pois en poucas horas miles de toneladas de lodos tóxicos chegarían á ría”.

Outros artigos

Luns con sol e baixa das temperaturas máximas

Seguimos baixo a influencia anticiclónica pero con ventos de compoñente norte que afastarán as masas de aire cálido da semana anterior. Deste xeito agardamos néboas en comarcas do interior que se irán disipando deixando ceos moi abertos canto máis o sur de Galicia e...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...