A Casa da Cultura de Dodro vai acoller o vindeiro 3 de abril un espectáculo para descubrir Europa dende o espazo exterior: Kalopsia. Un planeta non tan diferente. Trátase dunha sesión narracións orais e actividades deseñada para que nenos e nenas de 6 a 12 anos comprendan a Unión Europea e exploren a convivencia entre as diferentes formas de vida e culturas do mosaico europeo
Haberá intérprete de lingua de signos.
Esta actividade gratuíta forma parte da rede Europa No Teu Concello, impulsada por Europe Direct A Coruña (Deputación da Coruña). Será o mércores 3 de abril ás 17.30 h, na Casa da Cultura de Dodro.
O espectáculo consiste nunha narración-obradoiro que convida aos participantes a achegarse á UE “dunha maneira diferente”. O espazo encherase de títulos pertencentes á cultura dalgúns dos 27 países da Unión Europea para achegar a rica tradición literaria europea. Tras o ritual iniciático, falarase da convivencia e das diferentes formas de vida e culturas que forman o mosaico europeo.
