O Concello de Muros e a Asociación da Hostalería de Muros mantiveron este 28 de febreiro unha xuntanza de traballo para afondar na situación actual do sector e concretar a posta en marcha de diferentes iniciativas de impulso e promoción. “Foi unha reunión moi positiva e frutífera cun sector clave para a economía local de Muros, coñecendo as súas demandas e amosándolles o apoio do concello”, asegura a alcaldesa, María Lago, que reuniuse coa directiva da asociación xunto á concelleira de Promoción Económica, Laura Rivadeneira.
A un nivel máis concreto, o Concello e a Asociación anunciaron que van colaborar para facer unha Guía da Hostalería de Muros, con información práctica dos restaurantes, cafeterías, locais de ocio e establecementos de hospedaxe do concello.
Ambas partes quedaron en concretar en futuras reunións outras iniciativas de apoio e promoción ao sector.
“O sector servizos de Muros xera emprego, actividade e por suposto é prioritario para o goberno local, polo que a colaboración será máxima pola nosa parte”, engade María Lago.
