O Concello de Ribeira contratará unha/un docente para impartir o curso de atención sociosanitaria a persoas no domicilio

20 Febreiro 2024

O Concello de Ribeira vén de solicitar unha subvención para impartir a acción formativa Atención Sociosanitaria a persoas no domicilio, abeirado ao Plan Formativo para o Emprego da Comunidade Autónoma de Galicia. A subvención irá destinada a contratar unha/un docente mediante contrato de servizos para a docencia e titorías de dito curso, cunha duración total de 618 horas.

As persoas interesadas que presenten oferta, tamén terán que achegar o seu currículo xustificado, tendo que ser validado antes do comezo do curso pola Consellería de Promoción do Emprego e Igualdade. Asi mesmo, será preciso presentar a correspondente alta en autónomos.

As ofertas presentaranse de forma telemática a través do sistema de licitación electrónica da Xunta de Galicia (SILEX), no prazo de 10 días naturais dende o día seguinte á publicación no perfil do contratante do Concello de Ribeira.

A documentación a presentar deberá incluír; a solicitude de participación e oferta económica nos termos do modelo establecido, que deberá figurar debidamente cuberto e asinado; a titulación académica e acreditación da Competencia Docente ou do Certificado profesional de habilitación para a docencia e unha fotocopia do DNI da persoa interesada.

“Dende o Concello temos o obxectivo de promover a empregabilidade e mellorar as oportunidades laborais da veciñanza. Este curso non só proporcionará aos participantes valiosas habilidades e coñecementos técnicos, senón que tamén lles dará acceso a un sector cunha demanda crecente de profesionais cualificados”, explicou a concelleira de Emprego Veva Betanzos.

Outros artigos

Publicidade

Revista en papel

Opinión

“La gente”. Mario Clavell

“La gente”. Mario Clavell

En mis tertulias oigo generalizaciones tales ‘la gente escapa de Compostela’ o ‘la gente está hasta el gorro de Pedro Sánchez’ …  ¿Quién es la gente’?, ¿la sociedad?, ¿la nación?, ¿toda la nación?, ¿la colectividad, la humanidad? ‘La gente’ es demasiada gente y...

“Agresións, vexacións e torturas” – José Manuel Pena

“Agresións, vexacións e torturas” – José Manuel Pena

Desde Amnistía Internacional e algúns medios de comunicación están a denunciarse varios casos de agresións, vexacións e torturas, por parte dun grupo de militares españois, cara a algúns migrantes africanos chegados á cidade autónoma de Ceuta, algúns deles menores de...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.