Arranca febreiro e con el o mes de Rosalía e dos Medios en Galego. AMEGA, Asociación de Medios en Galego, da que forma parte O Barbanza e Código Cero, inicia o mes cunha serie de actividades que se celebrarán en distintas vilas galegas.
O 7 de febreiro é o aniversario da saída do prelo de O Tío Marcos da Portela, a primeira publicación escrita integramente en galego, e por esta celebración desenvolveranse diversas actividades e roteiros un dos cales terá lugar na Vila de A Pobra.
O roteiro ques erá público e de balde será impartido por antonio González Millán, direector do Museo Valle-Inclán e nel participarán amais Arantxa Fuentes Ríos Profesora da USC e doctora europea en Teoría da Literatura e Literatura Comparada, Xaquín del Valle-Inclán Alsina – Biógrafo. Investigador. Crítico literario.
O roteiro arrancará ás 11 da mañá na Torre dos Valle Bermúdez e rematará no Pazo do Couto tralas ponencias.
Horario:
A Pobra do Caramiñal: Vila literaria de Galicia
11:00 h. Visita á Torre dos Valle Bermúdez, declarada monumento histórico-artístico de carácter nacional e ó Museo Valle-Inclán decano do país. Intervención de Antonio González Millán – Director da institución.
11:30 h. Ponencia: “Ramón del Valle-Inclán na Pobra do Caramiñal”
Intervención de Xaquín del Valle-Inclán Alsina – Biógrafo. Investigador. Crítico literario.
12:00 h. Ponencia: “Un intelectual de corte europeista. Victoriano García Martí: labor xornalistica ” . Intervención de Arantxa Fuentes Ríos – Profesora da USC e doctora europea en Teoría de la Literatura y Literatura Comparada.
12:30 h. Roteiro biográfico “Ronsel de xenialidades: Valle-Inclán e García Martí, de Galicia ás letras internacionais”. VV.AA. percorrido comentado por lugares vividos ou recreados nos seus textos.
13:30 h. Visita comentada ao Pazo do Couto, no núcleo histórico do Castelo. Intervención de Antonio González Millán – Especialista en Historia e Arte de Galicia e en Museoloxia.
Á marxe do roteiro desenvolvido na Pobra terán lugar outros nas seguintes vilas:
- A Estrada (3 de febreiro)
- Vigo (10 de febreiro)
- A Pobra (17 de febreiro)
- Compostela (17 de febreiro)
- A Coruña (24 de febreiro)
