Outes activa un servizo de conciliación para o Entroido

O Concello de Outes organiza o servizo de conciliación Tempo de Entroido, que, como se indica no seu nome, desenvolverase no marco dos días festivos de febreiro, as xornadas do 12 e o 13 de febreiro. O servizo, abeirado ao programa Outes Concilia, está destinado a nenas e nenos de idades comprendidas entre os 3 anos (escolarizados) e os 12 anos. Como dixemos, desenvolverase os días 12 e 13 de febreiro, en horario de 8:00 a 16:00 horas, no edificio autónomo do CEIP Plurilingüe de Outes. Segundo explicou o Concello, “as familias poderán facer uso do servizo en función das súas necesidades, permitindo a entrada e saída flexíbeis”.

O prazo de inscrición é do 25 de xaneiro ao 5 de febreiro.

Máis datos e inscricións na web municipal.