Este mesmo xoves 11 de xaneiro, a xunta de Goberno local de Dodro aprobou a creación dunha bolsa de traballo temporal destinada a cubrir as posíbeis baixas do Servizo de Axuda ao Fogar (SAF).
Por outra banda o Concello informou que se está a traballar para acelerar o proceso de consolidación laboral que se iniciou hai meses con vistas a cubrir a vacante de educadora familiar.
Dende o Consistorio lembran que durante as últimas semanas os Servizos Sociais do Concello víronse afectados pola baixa da funcionaria titular e unha segunda baixa da substituta. Esta segunda baixa foi xa cuberta e esta semana incorporouse unha traballadora máis que reforza esta área tan importante.
