O Concello da Pobra celebra o 14 de febreiro cun concurso literario e co sorteo dunha cea para dúas persoas

22 Xaneiro 2024

Un concurso de cartas de amor e un sorteo fotográfico do banco do amor son as dúas actividades que lanza o Concello da Pobra do Caramiñal polo 14 de febreiro, Día dos Namorados.

Organizados conxuntamente polas Áreas da Cultura e da Mocidade, a edil Patricia Lojo apuntou este luns 22 que se artellan actividades por primeira vez arredor desta data co “afán de crear espazos para a cultura no ámbito das letras e motiva-la participación de xente nova na vida cultural local”.

O certame epistolar, engadiu, “nace como un mecanismo máis para fomentar a creación e difusión literaria. Os traballos versarán sobre o amor e poderán dirixirse a destinatarios reais ou ficticios. Establécense dúas categorías: a xuvenil (de 14 a 20 anos) co premio dun iPhone; e a adulta (de 20 anos en diante) que ten como recompensa unha noite nunha casa rural e unha cea para dúas persoas.

As cartas presentaranse de maneira telemática a través de concursocartasdeamorpobra@gmail.com entre o 23 de xaneiro e o 7 de febreiro. Na mensaxe deberanse enviar dous documentos: un coa carta e outro cos datos da persoa participante. O xurado composto por persoas vencelladas á comunicación e á literatura encargarase de ditaminar as gañadoras.

Tamén o parque do Castelo contará cun photocall do amor no que sacar fotos para tomar parte do sorteo dunha cea para dúas persoas nun restaurante da localidade. Consistirá en sacar instantáneas neste espazo e compartilas no apartado de historias da rede social Instagram mencionando a conta @gobernodapobra e cos cancelos #temoslio e #concellodapobradocaramiñal. Se o perfil non é público, deberase mandar captura de pantalla por mensaxe directa á conta do Concello. Esta acción oriéntase a maiores de 14 anos e aceptaranse unicamente as imaxes publicadas no 14 de febreiro.

As bases completas pódense consultar na páxina web municipal, www.apobra.gal.

Outros artigos

Ribeira organiza unha charla sobre compostaxe doméstica e comunitaria

O Concello de Ribeira organiza a charla Compostaxe doméstica e comunitaria, unha actividade que busca achegar á veciñanza as claves para transformar osresiduos orgánicos en compost e darlles unha segunda vida. A cita será o mércores 21 de outubro, ás 19:30 horas, no...

+

Publicidade

Revista en papel

Opinión

“A lei é para todos… salvo para algúns?” – José Luis Calo

“A lei é para todos… salvo para algúns?” – José Luis Calo

Hai case oito séculos, as Sete Partidas de Alfonso X pretendían establecer unhas regras comúns para ordenar a sociedade. Hoxe vivimos nunha democracia con leis e mecanismos de control, pero segue vixente unha pregunta fundamental: de que serven as normas se quen debe...

“Indefensión frente a la nesciencia”. José Fernández Lago

“Indefensión frente a la nesciencia”. José Fernández Lago

Soy un ciudadano de a pie, que no entiendo el organigrama gubernativo. Cierto que me siento con el derecho de considerar que los que ostentan algún tipo de cargos deberían tener los estudios oportunos, y no simplemente facilidad para comunicarse entre ellos y para...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.