O Concello de Ribeira informou este luns 29 de xaneiro do inicio das obras de mellora na cuberta dos vestiarios e a iluminación do Campo de Fútbol da Tasca de Aguiño, no cal a Administración local investirá máis de 13,000 euros. Dende a Área de Deportes que dirixe Xabier Vidal indicaron que “no Concello seguimos a traballar por elevar a calidade das instalacións deportivas e promover un ambiente óptimo para o desenvolvemento do deporte no eido local”.
Estes traballos súmanse aos desenvolvidos a comezos do verán encamiñados a substituír o céspede artificial do Campo da Tasca: unha actuación executada pola empresa Ouri Entretenimientos, S.L., que supuxo un investimento de 228.221,73 euros, IVE incluído.
