A Casa da Cadea incorpórase ao catálogo de patrimonio público da Pobra

30 Xaneiro 2024
José Carlos Vidal e Patricia Lojo diante da fachada da histórica construción

O 2024 comezou na Pobra do Caramiñal con novidades en materia patrimonial e de recuperación do patrimonio, por exemplo coa adquisición da Casa da Cadea por parte da Administración local por 148.000 euros. Con esta adquisición culmina un proceso que xa se iniciara no anterior mandato, cuxo equipo de Goberno aprobara a partida para a compra do inmóbel.

O alcalde e titular da Concellaría do Patrimonio, José Carlos Vidal, incidiu na relevancia que ten a incorporación deste edificio ao catálogo de patrimonio público e reafirmou “o compromiso do Concello na preservación, recuperación e difusión da riqueza patrimonial da que goza a localidade”, razón pola que no actual mandato apostouse pola creación desta Área. “Hoxe, por fin, podemos anunciar que a Casa da Cadea xa é propiedade de todo o pobo, de todos os veciños da Pobra do Caramiñal”, manifesta.

Trátase dunha construción civil de finais do século XVIII que, como o seu propio nome indica, empregouse como cárcere, pero, con anterioridade, foi consistorio. Actualmente conserva a fachada e conta cunha parcela de 220 metros cadrados.

En canto aos novos usos proxectados, barállanse aqueles de índole cultural que permitan conxugar a funcionalidade deste espazo e a preservación dunha parte da identidade do pobo.

Con relación a isto, a concelleira da Cultura, Patricia Lojo, explica que se estudarán distintas liñas de financiamento a través das diferentes Administracións públicas para a súa rehabilitación e consecuente posta en valor. “Penso que é un paso histórico”, apunta a edil.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.