O Museo Valle-Inclán pobrense conmemora o Día Internacional dos Museos con visitas comentadas e exhibición de orixinais únicos

16 Maio 2024


No 18 de maio conmemórase o Día Internacional dos Museos e, por tal efeméride, o Museo Valle-Inclán da Pobra do Caramiñal ofrece unha acción especial.
Esta data celébrase dende 1977 a proposta do Consello Internacional de Museos (ICOM) para achega-las institucións museísticas ao conxunto da sociedade. O dito organismo propón como temática a seguir para este 2024 os “Museos pola educación e a investigación”.
Por iso, o Museo Valle-Inclán pobrense amosará ao público algúns dos documentos máis importantes da colección de manuscritos da que dispón nos seus fondos; testemuñas publicadas en estudos académicos e científicos do ámbito nacional e internacional. Farase durante as visitas comentadas impartidas pola dirección do centro no horario de mañá e de tarde: ás 11.30 e 17.30 horas. Exhibiranse as cartas orixinais de Ramón del Valle-Inclán remitidas a Manuel Azaña, con opinións íntimas sobre asuntos como a literatura, a política e a amizade que os unía. Trátase dunha documentación de gran interese; cartas orixinais entre o universal
escritor galego e o que foi presidente da II República española, que se conservan no Archivo Histórico Nacional e no Museo Valle-Inclán. A actividade é de balde e non require inscrición previa.

Outros artigos

Publicidade

Revista en papel

Opinión

“Compartir el éxito de la empresa”. José Castro López

“Compartir el éxito de la empresa”. José Castro López

Conté en comentarios anteriores la historia del italiano, Enzo Rossi, director de unafábrica de pasta, que en el año 2007 se asignó un sueldo de 1.000 euros al mes paraexperimentar en carne propia si era posible vivir con esa cantidad y comprobar así lascondiciones...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.