A Casa da Cultura de San Pedro de Muro (Porto do Son) acolle este luns 22 de xaneiro unha charla para as familias sobre disciplina en positivo. Trataranse, en detalle, “as claves para establecer límites educativos dende unha actitude amábel que modele habilidades que axuden aos nosos fillos e ás nosas fillas a medrar e ser persoas adultas estábeis e libres”. A charla será impartida pola pedagoga e especialista en desenvolvemento humano Mercedes Urbiola. Será este luns en horario de 16:30 a 18:30 horas. Organiza CAFI Galicia (Centro Autónomo de Formación e Innovación de Galicia) en colaboración co Concello sonense.
