Valentín González Formoso visitou a sede da Asociación de Empresarios de Ribeira

22 Decembro 2023

Este xoves 21 o presidente da Asociación de Empresarios de Ribeira, Valentín González Formoso, visitou a sede da Asociación de Empresarios de Ribeira, co obxectivo de manter unha xornada de traballo. Nela abordáronse os distintos puntos que interesan ao desenvolvemento das obras do polígono. Estivo acompañado do presidente na asociación, Francisco Martínez Gude, así como do
alcalde de Ribeira, Luís Pérez Barral, e membros da Corporación. Os empresarios valoraron que “puidemos constatar, por boca do presidente provincial, o compromiso da Deputación para abordar as obras da estrada de acceso ao polígono tal e como xa se comprometeu en anteriores ocasións”.

Na xuntanza expúxose a posibilidade de intervir sobre a estrada titularidade da Deputación que partindo de Xarás e transcorrendo por Frións vai cara a Couso e Aguiño, para habilitala como unha circunvalación de Ribeira, obra que complementaría a fluidez do trafico unha vez acabada a variante da Xunta xa en execución. Trátase, sinalou o presidente da patronal, dunha alternativa “pola que apostamos desde esta asociación”. A opción tivo unha boa acollida na xuntanza, durante a cal, tanto o presidente da patronal, como o alcalde, trasladaron a González Formoso diferentes proposicións de actuacións que tiveron moi boa acollida.

Dende a asociación, o Martínez Gude agradeceu ao presidente, unha vez máis, “o seu compromiso para connosco e o noso concello”. E engadiu: “Non queremos esquecernos de felicitar ao noso alcalde e á Corporación por cumprir co seu compromiso de aprobar antes de fin de ano o Plan de Urbanismo que desbloquea por fin as obras do polígono, permitindo desta maneira que as máquinas poidan empezar a traballar moi pronto”. Tamén pediu que “as tres administracións implicadas, Xunta, Deputación e Concello, vaian da man para a resolución desta e outras obras que poidan presentarse no futuro para o desenvolvemento que para a nosa cidade desexamos”.

Outros artigos

O servizo de Gardacostas de Galicia retira do mar 371 nasas ilegais

O servizo de Gardacostas de Galicia, dependente da Consellería do Mar, retirou 371 nasas fondeadas de xeito irregular na última semana de controis e inspeccións desenvolvidos por terra e mar na costa galega. Ademais destas artes para crustáceos e cefalópodos, o...

+

A Deputación e a AECC crean unha Rede de Concellos Contra o Cancro

O presidente da Deputación da Coruña, Valentín González Formoso, e o presidente da Xunta Provincial da Asociación Española Contra o Cancro, Javier Álvarez Barbeito, asinaron un convenio de colaboración para impulsar a Rede de Concellos Contra o Cancro da provincia da...

+

Publicidade

Revista en papel

Opinión

“La protesta de los estudiantes franceses”. José Castro López

“La protesta de los estudiantes franceses”. José Castro López

Francia convive cada cierto tiempo con pequeñas revoluciones o estallidos sociales que,aunque comparten escenarios, responden a causas diferentes. Recuerden la revoluciónde Mayo 68 de la que Daniel Cohn-Bendit, uno de sus líderes, dice que entonces losjóvenes eran...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.