Unha muller resultou ferida esta tarde en Boiro ao saírse da vía o coche no que viaxaba. Segundo puido saber o 112 Galicia, a vítima tivo que ser excarcerada polos Bombeiros de Boiro ao quedar atrapada no interior do turismo, para ser atendida posteriormente polos servizos sanitarios.
O accidente ocorreu na parroquia de Cures, no concello de Boiro (A Coruña). Foi a propia implicada no sinistro a que contactou co 112 Galicia ás 15:30 horas da tarde. No seu relato, indicaba que precisaba asistencia sanitaria e que tiña dificultades para abandonar o vehículo.
Decontado, os xestores do Centro Integrado de Atención ás Emerxencias-112 Galicia pasaron o aviso a Urxencias Sanitarias de Galicia-061, aos Bombeiros de Boiro, á Garda Civil e aos membros de Protección Civil de Boiro.
Rematadas as labores de excarceración por parte dos servizos de emerxencia, a ferida foi trasladada ao centro hospitalario de referencia.
Foto: Dotación de garda do SPEIS-03 con Base en Boiro actuando en unha saía de vía con víctima atrapada no vehículo, na estrada que vai o lugar de Cadarnoxo, no Concello de Boiro. Unha intervención moi técnica e laboriosa, máis si a dotación é de 3 bombeiros.
