As obras en execución de mellora de camiños no Lugar de Teira, rematarán a vindeira semana.
As obras, que foron visitadas polo alcalde ribeirense, Luís Pérez, estanse desenvolvendo no camiño que une o lugar de Teira co resto da parroquia na que se localiza, Corrubedo, co propósito de mellorar o pavimentado e a accesibilidade do mesmo. O presuposto de execución ascende a 44.723,73 euros.
Segundo explicou o rexedor, esta era unha obra “moi demandada pola veciñanza”, na cal o Concello está a investir máis de 44.000 euros. “A mellora dos camiños nas parroquias pequenas ten un impacto directo na accesibilidade a servizos esenciais, e desempeña un papel crucial en termos de conectividade e mobilidade, o que impacta directamente na calidade de vida da veciñanza.” salientou.
