O Concello de Dodro informou do remate da tempada 2023 dos obradoiros de memoria postos en marcha dende o Consistorio para achegar actividades de envellecemento activo e dinamización sociocultural para a xente maior dar diferentes parroquias. Os talleres interromperon a súa actividade e volverán, segundo confirmou o Concello, o vindeiro 8 de xaneiro. “Son un xeito de que os nosos maiores se manteñan activos mellorando a memoria a curto prazo e realizando estimulación cognitiva”, sinalan dende o Goberno local de Dodro, engadindo que con estas sesións tamén se busca achegar acompañamento ás persoas participantes.
Os obradoiros de memoria artéllanse en media ducia de grupos que se reúnen 2 horas á semana cada un e que aproveitan para falar, estar xuntos, lembrar cousas e divertirse.
