Este mércores 27 de decembro arrinca en Porto do Son o evento deportivo Internatural 2023, acontecemento que combina competición e formación no taekwondo base. Segundo informou a organización, máis de 300 deportistas daranse cita nas distintas actividades que se desenvolverán ata o sábado no Pavillón de Santa Irene. O programa de actividades, entre outros puntos destacados, inclúe a presenza de Irene Montemuíño e Noa Romero, que acadaron o bronce no Campionato Europeo 2023 e que foron distinguidas este martes polo Concello de Ribeira, tal e como informamos dende mesmo medio. O evento, segundo salientou a organización, será unha oportunidade para iniciaren no taekwondo aos rapaces e rapazas do concello e da comarca. Ao longo da semana desenvolveranse actividades multidisciplinares de formación e o sábado está prevista unha competición de combate amateur e posterior exhibición. A previsión é que unhas 5.000 persoas se despracen até Porto do Son para participar na cita, organizada polo Club Natural Sport coa colaboración da Xunta, a Deputación da Coruña e o Concello.
