O motorista necesitou a axuda dos servizos de emerxencia na tarde de hoxe tras sufrir lesións de carácter grave como consecuencia dun accidente de tráfico rexistrado no lugar de A Atalaia, na parroquia de Asados, no concello coruñés de Rianxo.
A chamada de alerta á central do 112 Galicia foi efectuada escasos minutos antes das 17 horas da tarde por un particular implicado na emerxencia. Durante a comunicación cos xestores do 112, a persoa informaba que tivera un accidente contra unha moto e que o motorista atopábase ferido e precisaba asistencia sanitaria.
Decontado, desde o 112 Galicia pasouse aviso aos profesionais de Urxencias Sanitarias de Galicia-061, aos bombeiros de Boiro, á Garda Civil, aos axentes da Policía Local e aos membros de Protección Civil de Rianxo.
Nun principio, os equipos de intervención expuxeron a posibilidade de mobilizar ao helicóptero medicalizado con base en Santiago de Compostela, pero esta opción quedou descartada ao comprobar que as condicións climáticas eran desfavorables para o desprazamento da aeronave.
Finalmente, o ferido foi trasladado en ambulancia ao centro hospitalario de referencia.
R
