A concelleira de Cultura, Antía Alberte, o concelleiro de Servizos Sociais, Vicente Mariño e o concelleiro de Festexos, Francisco Suárez-Puerta presentaron este mércores 15 de novembro os obradoiros e campamentos que se están a organizar para este Nadal.
Segundo explicaron, os obradoiros que se celebrarán serán de arte floral, decoración de botes e botellas de Nadal, agasallos de cerámica e decoración de caixas de madeira. Terán varias quendas e celebraranse en tódalas parroquias. As inscricións comezarán o xoves 23 e os horarios publicaranse nas redes e na páxina web do Concello. En total, haberá prazas para 150 persoas.
Polo que respecta aos campamentos, están destinados a nenos e nenas nados dende o 2014 ata o 2020 e celebraranse no Grupo. O prazo de inscrición comezará o vindeiro luns e a listaxe de admitidos publicarase o 12 de decembro. As inscricións poderanse realizar de xeito presencial a través da Casa da Xuventude, de 9:00 a 14:00 ou ben vía telefónica.
