Este domingo, 12 de novembro, ás 19:00 horas, o Grupo Municipal de Teatro de Ames representará na Casa da Cultura de Outes a obra Non podo máis! Trátase dunha comedia irreverente sobre os aspectos da vida que conseguen descolocarnos e sacarnos dos nosos cabais. A obra é unha escolma de escenas seleccionadas e creadas baixo esta premisa para conseguir así a complicidade e o sorriso dun público que ben se podería sentir identificado en moitas delas.
O grupo porá sobre o escenario situacións recoñecíbeis do día a día, onde a paciencia dos protagonistas será posta a proba. Por exemplo: cando alguén se cola diante túa no supermercado, ou cando a nosa filla adolescente quere saír de botellón ou cando nun restaurante de prestixio nos serven un prato baleiro chamado “aroma de cocido”. A obra Non podo máis! é unha escolma de escenas seleccionadas e creadas baixo esta premisa para conseguir así a complicidade e o sorriso dun público que ben se podería sentir identificado en moitas delas.
O elenco está conformado por Carmela Pardal, Chelo Cajide, Cris Botrán, Emilia Mayo, Gene Martínez, Ilduara García, Maite Fajardo, Mirela González, Mirella Vázquez e Pablo Núñez.
Este ano o grupo está formado por 15 compoñentes. Agora mesmo están en proceso de formación, traballando habilidades teatrais e facendo dinámicas de grupo, e sobe todo creando un clima lúdico entre o grupo. En breve comenzarán coa peza que estrearán a finais do curso 2023-2024.
