MiMarte (compañía ribeirense) está a organizar unha serie de castingsde novos talentos musicais e teatrais na nosa comarca, con vistas a activar un grupo estábel de teatro musical adulto no Barbanza e con canteira nas diferentes localidades da contorna. A actividade desenvólvese a través dunha serie de sesións en Portosín, A Pobra, Boiro, Ribeira, Porto do Son, etc, tal e como se pode seguir nas redes sociais de MiMarte, por exemplo no Facebook.
En concreto, Mimarte céntrase na procura de “xente sen experiencia con inquietudes artísticas para formar unha compañía de teatro musical”. Búscanse novos artistas de máis de quince anos e sen límite de idade. A todas e todos os que participen ofreceráselles formación en teatro musical, técnica vocal e canto, ademais de recursos para o reforzo da autoestima, a seguridade, a expresión corporal, a concentración e a fluidez oral. Máis información no teléfono 672 661 789 (chamadas e Whatsapp) e na conta de correo informusicateatro@gmail.com
