A Xunta recoñeceu novamente a Porto do Son polos esforzos da Administración e da cidadanía na protección da paisaxe e o patrimonio natural. Fíxoo distinguíndoo coa bandeira verde por cuarta vez consecutiva, unha insignia que coa que se premian aos concellos de Galicia que destacan polas súas boas prácticas ambientais e de protección e conservación do medio ambiente.
Concretamente, a Bandeira Verde de Galicia é “unha iniciativa creada pola Xunta de Galicia no ano 2020 que busca distinguir aos concellos máis dinámicos neste eido, desenvolvendo boas prácticas para o coidado da súa contorna, o respecto á paisaxe, a redución das súas emisións de CO2, a redución do consumo enerxético e moitas outras, cun distintivo que sexa recoñecido pola cidadanía e polos potenciais visitantes, fortalecendo a imaxe das vilas e pobos máis comprometidos nos ámbitos ambiental, paisaxístico e de respecto ao patrimonio natural”.
O Concello de Porto do Son despregou novamente o distintivo e agradeceu deste xeito a implicación e o traballo da veciñanza: “A nosa gran sorte é contar con todas e todos vós, e é que esta bandeira é un logro común; é o froito dun gran traballo en equipo, dos bos actos da nosa veciñanza, da boa vontade por conseguir cada día un Porto do Son mellor”.
