As cinco menos dez da tarde o 112 Galicia era informado por un particular dun accidente na N-550, ao redor do quilómetro 76, á altura da Escravitude, no concello de Padrón. Neste caso tratouse dunha colisión entre un coche e un camión de transporte de penso. O alertador indicaba que o coche estaba sen unha porta.
Ata o lugar acudiron de inmediato, tras ser informados polo 112 Galicia, o Servizo de Urxencias Sanitarias de Galicia-061, os membros do GES de Padrón, os axentes de Tráfico e da Policía Local. Tamén foron avisados os efectivos do Servizo Municipal de Protección Civil e o persoal de mantemento da vía.
Finalmente, os membros do GES comunicaron ao 112 que a persoa do turismo estaba atrapada no seu interior, polo que, foi preciso o uso de material de excarceración para extraer a porta do vehículo e liberar á persoa, que foi atendida polos profesionais sanitarios.
