BNI TerraMar celebra o Día do Convidado na Churrasquería Alvariño (Ribeira) o vindeiro 1 de decembro

25 Novembro 2023

Baixo o lema Descubrindo Oportunidades no Barbanza, BNI TerraMar Barbanza celebrará en Ribeira, na Churrasquería Alvariño, a nova edición do Dia do Convidado (Día do Invitado). Trátase, en palabras da agrupación empresarial, “dun evento que promete marcar a pauta para o crecemento empresarial na nosa comarca”. O grupo anunciou a dita celebración para o próximo 1 de decembro ás 07.00 a.m.

Por terceira vez, a Churrasquería Alvariño transformarase no epicentro da actividade empresarial da bisbarra. O evento estará dirixido polo seu presidente actual da entidade Ricardo Viturro, que sinala que a cita xa capturou a atención de profesionais independentes e empresarios locais desde Padrón, Rianxo, Boiro, Pobra do Caramiñal, Ribeira e mesmo Noia. O obxectivo é “seleccionar empresas da comarca do Barbanza para integrarse á rede de referencia empresarial global de BNI TerraMar”.

Segundo explica, “a diversidade de participantes, que abrangue desde clínicas dentais ata axencias de viaxes, reflicte a amplitude de oportunidades que ofrece BNI TerraMar. Desde o seu inicio en 2016, este grupo xerou máis de 15 millóns cincocentos mil euros no Barbanza, cun destacado negocio de máis de 1,3 millóns de euros só no último ano entre os membros”.

Rubén Couñago, director de BNI TerraMar, destaca “o impacto significativo da agrupación na comarca, subliñando a fortaleza desta rede que opera en 77 países”. Tamén salienta que en España existen 328 grupos activos con máis de 9.240 membros, dos cales máis de 1.000 membros están en Galicia.

O encontro non só será unha oportunidade para intercambiar tarxetas de visita, senón para formar parte dun programa estruturado de mercadotecnia (marketing) que demostrou a súa eficacia en 77 países e conta con máis de 314.000 membros.

Outros artigos

Venres con chuvascos e baixa das temperaturas. Temporal no mar

Na xornada do venres seguimos en zona de chuvascos que veñen tras a fronte e que serán localmente treboentos e acompañados de sarabia, ó que hai que engadir a chegada dunha masa de aire polar marítima que fará que algún deses chuvascos sexan de neve, coa cota arredor...

+

Publicidade

Revista en papel

Opinión

“Reto astrolabio”. Alberto Barciela

“Reto astrolabio”. Alberto Barciela

El mar merece respeto, aun así reclama y admite audacias, quizás motivadas por el horizonte casi infinito. El ser humano, en la búsqueda de sí mismo, de completar inquietudes y afanes, de responder a su curiosidad, acepta con gusto el reto de los nuevos rumbos,...