Este xoves a patronal noiesa, Noia Histórica, vai celebrar a xornada de presentación da súa nova campaña: o Sábado Negro, que se vai celebrar este sábado 11 na localidade.
A presidenta da entidade, Alba Expósito, xunto co concelleiro de Comercio, José Pérez, presentarán, xunto á pantalla dixital da Ponte de San Lázaro, a 13 edición desta campaña comercial.
Segundo avanzaron, na iniciativa participan 30 tendas. Amais do 20 % de desconto en todos os produtos e servizos (descontos que son “a clave” do éxito da promoción, segundo informou Noia Histórica), os clientes recibirán polas compras un tícket para merendar chocolate con churros e un rasca con premios de 5 € para trocar en 25 locais de hostalería, cafeterías, bares, restaurantes e pub, este sábado e máis o domingo. O sábado será tamén a Gala da Mostra de Curtas de Noia. Ademais, para completar a axenda festiva, haberá música nas rúas e as tendas estarán identificadas con grandes vinilos.
