Entre o 7 e o 30 de novembro a Casa da Cultura de Porto do Son vai acoller unha escolma das obras presentadas á catorce Certame de Artesanía Antonio Fraguas, convocado pola Deputación da Coruña. Veciñanza e visitantes poderán desfrutar nesta exposición das melloras obras achegadas ao dito premio, en cuxa XIV edición impuxéronse as creadoras Carmen Riveiro Ferreiro (cun Vestido de noiva en tres versións, na modalidade de tradicional) e Verónica Moar Suárez (coa peza O que contén, na modalidade de contemporánea). A entrada á mostra será libre.
Os premios de artesanía Antonio Fraguas Fraguas son convocados pola Deputación da Coruña cada dous anos, e teñen unha dotación de 6.500 euros en cada modalidade.
