Este 12 de novembro Portosín vai ser unha festa de establecementos abertos, co engadido extra de achegar a cidadáns e visitantes mancheas de descontos (en produtos e servizos de até o 50%), promocións e oportunidades. Será este domingo a partir das 11.00 horas (e até as 20.00 horas). Organiza a Asociación de Empresarios de Portosín (AEP), coa colaboración do Concello. Haberá un stand deportivo e de agasallos na Casa da Cultura, onde veciños e visitantes poderán recibir regalos por compras superiores a 20 euros. A xornada dominical de comercio abertos (Infinity Sunday de Portosín) tamén achegará importantes descontos de cara a nova tempada de inverno.
