Os efectos están a facerse notar sobre todo en termos de choiva, que polo momento descargou con case 60 litros por metro cadrado nalgúns puntos.
Lousame é un dos municipios de toda a comunidade que máis cantidade de precipitacións está a asumir, rozando os 2 litros por metro cadrado cada dez minutos.
En Ribeira tampouco quedan atrás, superando nalgúns momentos os 3 litros por metro cadrado, chegándose a acumular tamén case 60 no que vai de día. En canto ao vento, á primeira hora da mañá os refachos superaron os 90 quilómetros por hora.
Anegamientos e caídas
Estas condicións climáticas causaron numerosas incidencias ao longo de todo o territorio barbancés. Por exemplo, o GAEM de Ribeira tivo que acudir a emendar a formación de varias bolsas de auga en diferentes puntos do centro urbano, ademais da recolocar numerosos contedores que o vento levara ata a estrada. Tamén atenderon a caída dun cable á primeira hora en Laxes.
En Boiro os traballos centráronse na contorna do paseo marítimo, onde Protección Civil tivo que desatascar sumidoiros nas que se acumularon desfeitos arrastrados polo temporal.
