José Manuel Pena
800 páxinas e case medio milleiro de casos de abusos sexuais no ámbito de la igrexa católica en España. Foi o resultado do Informe sobre as denuncias por abusos sexuais no ámbito de la Iglesia Católica e o papel dos Poderes Públicos, presentado por parte do alto comisionado das Cortes Xerais, o Defensor do Pobo, ante o Congreso dos Deputados.
Uns trece casos de abusos foron comunicados pola Igrexa en Galicia e a comarca de Arousa tamén figura na lista deses abusos que se estudaron para poder dar unha resposta a unha situación de sufrimento e de soidade, cuberta por un inxusto silencio que durante anos mantívose, desde a propia Igrexa en particular e desde a maioría social en xeral.
Este informe foi un traballo de transparencia, claridade, discreción, rigor e seriedade demandada pola necesidade social, ética e política expresada pola propia cidadanía. Centenares de testemuños das vítimas deses abusos sexuais que o Papa Francisco considerou que “non cabe eludir esa realidade”. Por iso, a Igrexa Católica ten que asumir a responsabilidade principal da necesaria tarefa do recoñecemento e a reparación, non eludindo a súa culpa como o demostraron ata o momento.
Por parte dos poderes públicos, teñen a responsabilidade de garantir que as vítimas destes delitos e abusos sexuais poidan ver satisfeito o dereito á xustiza que reclaman as familias, desde hai décadas.
