O 112 Galicia xestionou 270 incidencias por meteoroloxía adversa desde o mediodía do mércores

19 Outubro 2023

Entre as 12 de onte e as 6 horas desta madrugada, o 112 Galicia rexistrou un total de 271 incidencias relacionadas co vento e a chuvia que afectan á comunidade. A maioría delas tiveron lugar durante a tarde do mércores, mentres que esta madrugada sumáronse unicamente 9 incidentes, ningún deles de consideración.

En primeiro lugar, cómpre sinalar que nestes momentos un aviso amarelo por chuvia e vento afecta a todo o territorio galego. No litoral tamén permanece activo un aviso do mesmo nivel.

As incidencias relacionadas coas vías de circulación foron as máis repetidas, coas árbores e pólas (86), os anegamentos e as bolsas de auga (38), a terra, as pedras ou as verteduras (9) como destacadas. A continuación sitúanse as actuacións dos servizos de emerxencias para evitar riscos maiores (35) e os anegamentos en rúas (32), vivendas (12), garaxes (9) ou baixos comerciais (8).

En canto ás provincias, a da Coruña é a máis afectada con 130 incidencias, seguida de preto por Pontevedra (107). Pola súa banda, Lugo (26) e Ourense (8) sufriron con menor intensidade os efectos da meteoroloxía adversa.

O maior número de incidentes rexistrouse en concellos como Santiago (22) e A Coruña (6), na provincia da Coruña; Pontevedra e Tui (8), así como A Estrada (5), na de Pontevedra; Ribadeo e Friol na de Lugo, con tres cada un e, por último, os municipios de Avión e O Barco de Valdeorras sumaron tres na provincia de Ourense.

Incidencias destacadas
Por fortuna, ningunha das incidencias que se rexistraron no 112 Galicia durante a tarde de onte e ao longo desta madrugada causou danos persoais. Destacan, iso si, algúns casos nos que se viu afectado o alumeado público de cidades como Pontevedra, Santiago, Vigo ou Ferrol.

Corrubedo

Outros artigos

A Garda Civil de Noia incauta 1.000 litros de gasóleo bonificado

Garda Civil A Patrulla Fiscal e de Fronteiras (PAFIF) da Garda Civil de Noia incautou 1.000 litros de Gasóleo bonificado no Polígono do Tambre. Os feitos sucederon cando os compoñentes da mencionada Unidade, que se atopaban realizando un servizo na zona, observaron a...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...