Unha persoa resultou ferida de carácter leve nun accidente de tráfico ocorrido na mañá deste domingo na autovía de Barbanza no quilómetro 17, ao paso da AG-11 por Rianxo e en dirección Padrón. Tratouse dun impacto por alcance entre un vehículo que se incorporaba á estrada e outro que estaba a circular.
O 061 trasladou á persoa lesionada a un centro sanitario. No incidente interviron Protección Civil de Rianxo, Policía Local e Tráfico.
Protección Civil Rianxo. Accidente PK 17 sentido Padrón na AG-11 ao seu paso por Rianxo.
