Este martes 12 de setembro os responsábeis municipais de Educación e Obras, na compaña do alcalde Manuel González, visitaron o CEIP de Outes co obxectivo de supervisar e verificar o resultado das obras desenvolvidas este verán no centro educativo, coas que se melloraron 7 aulas de primaria. Os traballos leváronse a cabo en colaboración coa ANPA e coa dirección do colexio.
Estes traballos sumáronse ás tarefas previas para dotar ao colexio dunha nova biblioteca: unha área de estudo, consulta e préstamo de libros que ten unha superficie de 300 metros cadrados e que conta, entre outros elementos, cunha área de lectura e un espazo específico para emisións de radio e gravación-proxección de audiovisuais.
