O alcalde de Rianxo, Julián Bustelo, e o presidente do Club Voleibol Rianxo, Héctor Matilla, presentaron a segunda proba da Copa Deputación da Coruña Vólei Praia de Categorías Inferiores que se disputará na praia de Tanxil esta fin de semana, os días 5 e 6, coas pequenas promesas deste deporte (en idade, que non en talento) como grandes protagonistas da cita.
Trátase da continuidade da primeira das probas celebrada esta fin semana pasada en Cedeira. A cita rianxeira será posíbel grazas á colaboración do Club Voleibol Rianxo e a implicación do Concello e a Deputación da Coruña co deporte local. a promoción do vólei-praia en Galicia e o fomento do interese polo ocio activo entre os máis novos.
Para rexistrar a participación, deberase cubrir o modelo FGVP 02 ao correo competicions@volei.gal ata o martes 2 as 20:00, quedando o límite de cambio de parella limitado ata o xoves ás 15:00 horas. O modelo podémolo atopar en volei.gal.
A lista de entrada provisional publicarase o mércores, deixando as listas definitivas e o planning definitivo para o xoves á primeira hora da tarde.
