A primeira das sesións das Noites de Verán na Biblioteca, impulsadas dende a Biblioteca Municipal de Porto do Son, celebrouse este pasado xoves 24 de agosto con gran éxito de participación da rapazada local.
As sesións, actividades creativas de promoción da lectura e do talento que todas e todos os rapaces levan dentro, terán continuidade este xoves 31 de agosto, novamente en horario de 21.00 a 23.00 horas.
A iniciativa vén da man da aula de lectura da Biblioteca Municipal de Porto do Son.
As actividades, dirixidas especialmente a nenas e nenos de idades comprendidas entre os 4 e os 6 anos, consisten en “dúas noites de xogo arredor dos contos e dos seus protagonistas”. Ademais, a dirección da Biblioteca informa de que “se a noite de verán acompaña, poderemos saír ao exterior para desfrutar do contacontos e das lecturas con lanternas”. As prazas so limitadas. As inscricións cómpre facelas na Ludoteca Municipal en horario de 12:00 a 14:00 horas.
