O vindeiro luns 14 de agosto a praza de España de Porto do Son vai acoller unha nova edición (a número XXXIII) do Festival Ó Son da Danza. As persoas asistentes poderán desfrutar dos máxicos voos de Anduriña, Grupo de Baile, a partir das 22.00 horas. Organiza o Concello de Porto do Son.
Anduriña é unha agrupación sonense que fusiona danza contemporánea e baile tradicional galego. Creouse hai un cuarto de século e conta con máis de dúas ducias de integrantes, algunhas delas militantes no grupo dende os seus inicios.