Este días un dos epicentros galegos da creatividade tradicional é Porto do Son, con motivo da súa Feira de Artesanía, na que poderemos atopar múltiples propostas en diferentes formatos (postos de alimentos, de téxtil e de accesorios elaborados a man por talleres locais, obradoiros, actividades). Os postos de venda estarán instalados até este domingo 20 de agosto no paseo marítimo de Porto do Son, en horario de mañá e de tarde.
A feira, en activo dende o 1 de agosto, conta cun total de 30 casetas que, en palabras da organización, “brindan aos visitantes unha experiencia única chea de tradición e creatividade”. Hai dende pezas de cerámica feitas a man ata xoiería artesanal e produtos téxtiles. “Durante estes vinte días, os visitantes poderán mergullarse no mundo da artesanía, explorar a diversidade de técnicas e estilos, e apreciar o amor e o coidado que se dedica a cada creación e, ademais, terán a oportunidade de interactuar directamente cos artesáns, quen estará encantados de compartir os seus coñecementos e experiencias”, engade a organización.
