O tenente de alcalde de Rianxo, Julio Alcalde, e a representante de SOGAPS: Solidariedade Galega co Pobo Saharauí, Covadonga Rodríguez, presentaron esta semana a II Andaina Solidaria a Favor do Pobo Saharauí.
Conta con un percorrido circular, con saída e chegada no mesmo punto. “Así”, sinalaron, “é posíbel facer un percorrido de 5 quilómetros e outro de 11 quilómetros, aproximadamente, en función da condición física de cada participante”. Tamén se pode colaborar con fila 0, lembraron, recordando que se destinará a SOGAPS o 100% do recadado.
Na ligazón específica habilitada pódese atopar a información principal da proba. Para ampliala acudir ao regulamento completo da proba ou ao Servizo Municipal de Deportes.
Regulamento da Proba
Percorrido Andaina 12 km
Percorrido Andaina 5 km
Inscricións e prezo
Inscrición en liña, ata o xoves 3 de agosto de 2023 ás 23:59 h.
Presencial: na praza Castelao ata 15 minutos antes do inicio da proba.
É obrigatorio inscribirse e retirar o dorsal para a andaina.
A andaina ten un límite de prazas de 750.
