Unhas 150 persoas de todas as idades participaron na II Carreira de Orientación de Rianxo

Na mañá deste sábado 29 de xullo celebrouse a segunda edición da Carreira de Orientación Concello de Rianxo . Unhas 150 persoas participaron nesta carreira de orientación, consistente en realizar no menor tempo posíbel un percorrido sinalizado con balizas na orde indicada nun mapa. A experiencia lúdico-deportiva desenvolveuse en horario de 11 a 14 h, con centro de operacións no Campo de Arriba.

Fixáronse tres categorías:

-Xestiñas: categoría para nen@s, sinxela física e tecnicamente (menos de 3kms en total).

-Xestas: categoría para adult@s, nivel físico e técnico medio (menos de 4kms en total).

-Xesteiras: categoría para persoas con medios/altos coñecementos de orientación, nivel físico e técnico alto (máis de 5kms en total).

As saídas serán escalonadas en tempo, non saíndo en ningún momento dúas persoas (ou equipos) no mesmo minuto.

A organización facilitaranos unha tarxeta electrónica para irmos rexistrando o paso por cada unha das balizas. Ao rematar poderemos consultar os resultados en tempo real coa axuda dun código QR que irá impreso no mapa.