Homenaxe á muller na exposición conxunta de Mar Bascoy e Marian Briones na Pobra

27 Xullo 2023

A arte volve á Casa da Cultura Raquel Fernández Soler da Pobra do Caramiñal cunha nova exposición: Ser Arte, de Mar Bascoy e Marian Briones.

A través de distintas técnicas como o debuxo, a pintura ou a colaxe, ámbalas artistas mergúllanse nunha autoexploración e elixen vivir en conexión coa súa parte máis intuitiva e espontánea.

No acto inaugural realizado na tarde do día 26 de xullo tamén participou a concelleira da Cultura, Patricia Lojo, quen gabou esta exhibición creativa feita por mulleres e que lles rende un tributo ás mulleres.

A obra de Marian Briones ten a mirada posta na emancipación do espírito feminino, polo cal indaga nos sendeiros de liberación para a muller. Para ela, o corpo, a carne, é a porta de entrada ao abismo da grandeza e á expresión da creatividade.

Doutra banda, para Mar Bascoy esta representa a súa primeira exposición, se ben conta cun longo camiño artístico. Aquí ten como eixe a figura feminina, polo cal as súas creacións consolidan unha homenaxe á muller.

As visitas pódense efectuar ata o día 15 de agosto, de luns a venres, en horario de 10.30 a 13.30 e de 19.00 a 21.00 horas.

Outros artigos

Publicidade

Revista en papel

Opinión

“Eurocopa”. Xulio Xiz

“Eurocopa”. Xulio Xiz

Noto o peso dos anos, máis ca fisicamente nas continuas referencias a tempos idos. E non porque xeneralice a bondade do pasado, que moito habería que matizar, senón porque o paso do tempo me vai permitindo comparar situacións que me parecen aberrantes. O deporte –...