“Premiar as familias tradicionais polo número de fillos e contra as familias diversas”. Antón Luaces

07 Xuño 2023

Formei parte dunha familia numerosa de catro fillos (dos que quedamos dous irmáns).

Sei que tal condición familiar outorgaba durante o franquismo algunha vantaxe de tipo social e económica, pero se non dabas chegado a fin de mes, tiñas que apañarte como poideras en aspectos como a comida, o vestido, os estudos dos fillos, etc. E hoxe lembrei tal feito ao ler que o goberno autonómico de Andalucía -conformado este polo PP de Juanma Moreno co apoio de Vox- entregou á familia granadina Cuevas Benítez unha distinción que, ao igual que pasaba co franquismo, recoñecía ao “matrimonio español que maior número de fillos tivera” ou ben ao “matrimonio español que conservara  maior número de fillos vivos”, santo e sinal de Vox.

Ambos presupostos dánse no seo da familia Cuevas Benítez: 15 fillos vivos. No sei certamente se haberá máis casos coma este en Andalucía, onde o premio entregado en Granada ten como obxectivo algo que para Vox é bandeira: incentivar o modelo de familia tradicional e loitar contra a realidade da existencia de familias diversas.

O premio ou distinción entregado en Granada non leva aparellada ningunha compensación económica e decoñezo se hai para a familia algún tipo de axuda social (que existe en toda España para familias numerosas a partir de tres fillos); pero cavilo en torno ao que pode significar para a responsabilidade dos pais facer fronte ao feioto de alimentar -xa non digo nada vestir, dar estudos, etc.-a un total de 15 fillos, mesmo tendo en conta que cando naceron os últimos  probablemente algúns dos primeiros xa estarían (cunha pouca sorte) a traballar e aportar á economía familiar algo de diñeiro, no benentendido de que os salarios deste tempo tampouco son para botar foguetes.

Pero quince fillos!…

O promedio de nacementos en España nos últimos vinte anos estabelece nun máximo de dous os fillos de calquera parella, número que maioritariamente non se acada censualmente.

Quince fillos son, coido, moitos fillos de Deus. E aos meus anos -cumpridos vai uns días os 80- non quero pensar no que ten que facer unha parella para atender debidamente a toda esa rapazada e como se pode chegar a fin de mes co salario dun ou os dous membros responsables da familia.

Outros artigos

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

+

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...

+

El voto del BNG avala a Maduro”. José Castro López

El pasado día 17 el presidente venezolano, Nicolás Maduro, fue proclamado candidatodel chavismo para las elecciones de julio. Tres días después la Alta Comisionada de lasNaciones Unidas para los Derechos Humanos pedía un proceso electoral “transparente,inclusivo y...

+

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...

+

Publicidade

Revista en papel

Opinión

“Derechos o privilegios”. José Manuel Pena

“Derechos o privilegios”. José Manuel Pena

Tanto en Europa como en el resto de los países del planeta se está a vivir una lucha desigual en la organización política y social; mientras unos responsables políticos y gobernantes abogan por el mantenimiento de los privilegios, otros defienden los derechos...