O atún é, nos últimos tempos, motivo do interese internacional con derivadas ben apreciadas e específicas en Galicia e España onde, pola vía directa ou a indirecta, o atún é peza sumamente apreciada.
Bermeo (País Basco), Manta (Ecuador), Port Victoria (Seychelles), Pago Pago (Samoa Americana). Concarneau (Francia). Majuro (Illas Marshall) e General Santos (Filipinas) conforman desde o pasado 2 de maio a alianza mundial de capitais do atún pola sustentabilidade. Unha alianza á que se dou pulo desde a vila biscaína de Bermeo que compromete desde os catro puntos cardinais unha alianza global que compromete a eses sete portos pesqueiros na importante tarefa da pesca e a transformación do atún, po
ñendo en xogo aparellos, dixitalización, tecnoloxía, alianzas coñecemento do medio… disposición para traballar xuntos desde a realidade e sen prexuizos.
O sector atuneiro está presente nun total de 90 países nos que xera un moi importante número de empregos e, nomeadamente, tentan que o sector evolúa cara a posicións máis sustentables.
A pesca do atún xera importantes beneficios para cada unha da sete cidade asinantes do acordo citado. No caso de Bermeo, a frota da vila realiza o 10% de todas as capturas mundiais, xerando na localidade basca máis de 6.000 empregos directos e indirectos (tanto no ámbito extractivo como en numerosas industrias conserveiras).
Dada a importancia deste segmento da pesca, é de salientar que cada ano se capturan ilegalmente entre 11 e 26 millóns de toneladas dese peixe, o que provoca perdas anuais para a economía mundial de entre 8,9 e 20,8 millóns de euros.
No Grove, a conselleira do Mar, Rosa Quintana, referiuse este venres á empresa galega Antulo pola economía circular, a industria 4.0 e a descarbonización, compromisos que a cosolidan, dixo, como paradigma da industria de comercialización e transformación de produtos do mar a nivel nacional e internacional e felicitou á compañía pola nova fábrica do Grove, que va procesar cabezas de atún coa fin de obter aceite deste peixe neutralizado para consumo humano.
É este un proxecto pioneiro sen precedentes en ningún outro país, dixo a conselleira, que pretende un maior aproveitamento da materia prima, apostando asimesmo pola eficiencia enerxética xa que logo no seu proceso vai usarse principalmente enerxía fotovoltáica. A totalidade desta produción vai exportarse a Xapón.
Trátase dunha iniciativa que foi posible grazas ao acordo técnico-comercial acadado entre o grupo galego e a multinacional xaponesa Nissui, mediante o que, como xa queda explicitado, a totalidade desta produción vai ser exportada a Xapón.