O Concello de Boiro recibiu unha subvención da Deputación da Coruña para financiar os gastos de persoal técnico para a atención a museos e centros museísticos durante o ano 2023. O importe total da subvención ascende aos 40.000 euros que se destinaran ao financiamento do persoal técnico.
No marco deste programa o Concello de Boiro solicitou a subvención para o mantemento do persoal técnico para o Pazo de Goiáns e para o Centro Arqueolóxico do Barbanza. O obxectivo desta subvención é potenciar ambos os dous centros culturais municipais con actividades e visitas que permitan coñecer os valores culturais e patrimoniais de cada un deles.
O Servizo de Acción Social, Cultura e Deportes da Deputación da Coruña convoca este programa de subvencións a concellos e entidades locais para financiar os gastos de persoal técnico para a atención a museos e centros museísticos durante o ano 2023.
