A oficina de turismo do Estaleiro de Ciprián (Outes) estará plenamente operativa este verán

23 Xuño 2023

O Concello de Outes compartiu detalles da súa nova oficina de turismo para este verán, emprazada nun destino que constitúe, en si mesmo, un dos grandes atractivos turísticos e culturais do municipio: o Estaleiro de Ciprián, o Espazo Museístico da Carpintaría de Ribeira. A oficina estará operativa estes meses de xullo e agosto, de martes a sábado (de 10 a 13 e de 17 a 20h) e os domingos (de 10 a 13h).

O Museo da Carpintaría de Ribeira, sede da oficina de turismo, é un proxecto que reivindica, recupera, preserva e mostra a tradición mariñeira, marítima e navegante galega, e máis concretamente a do concello de Outes. Situado en Broña, foi inaugurado oficialmente este pasado 4 de febreiro. O proxecto veu da man do Concello e ten un claro compoñente de reivindicación do pasado local, un pasado (todo o relativo á carpintaría de ribeira) que como tal desapareceu pero que pode ter, grazas a iniciativas coma esta, un novo e interesante futuro.

O proxecto de recuperación do estaleiro é finalista este ano da Bienal de Arquitectura.

É obra de Fortes Penedo Arquitectos, estudio con centros de traballo na Coruña e Vigo.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...

“A forza da gratitude”. Luís Celeiro

“A forza da gratitude”. Luís Celeiro

Daquela, hai algo máis de cincuenta anos, algúns dos aldeáns e aldeás das aldeas de Lugochegaban ao Instituto para abrir as portas do futuro, pechadas a cal e canto para os fillos daMariña, para os das montañas da Fonsagrada, dos Ancares, do Courel e da Lóuzara...