35 alumnas e tres figurantes participarán en Ribeira no festival de curso da Escola Municipal de Ballet

07 Xuño 2023

Fairy Doll é o espectáculo elixido para celebrar o tradicional festival fin de curso da Escola Municipal de Ballet de Ribeira, poñendo o broche de ouro a este curso académico o vindeiro sábado 10 de xuño ás 20 horas no Auditorio Municipal no marco da programación do Xuño da Cultura e as Artes. A concelleira de Cultura, María Sampedro, e a directora da escola, Cristina Riveiro, debullaron este mércores a axenda do acto, no que participarán 35 alumnas de entre 6 e 18 anos do medio cento que acoden cada semana ás clases, amais de tres figurantes convidados: Hugo Penas, Tatiana Esperante e Diego Penas.

Fairy Doll, con música de Josef Bayer e coreografía e libreto de Hoseff Hassreiter, conta a historia dun mozo que traballa nunha tenda de bonecas e dispón de bonecas de diferentes países e unha fermosa fada boneca. Ao final do día, o dono pecha a tenda deixándoa encerrada a unha axudante dentro dela. Cae a noite e o mozo non pode dar creto ao que ven os seus ollos: a fada boneca cobra a vida e coa súa maxia fai que os xoguetes tamén o acompañen.

María Sampedro agradeceu a implicación das nais e pais, especialmente á hora de confeccionar os fermosos vestiarios que levarán os participantes na actuación e tamén puxo en valor unha escola que leva xa máis de 20 anos formando nesta disciplina á veciñanza non só de Ribeira senón de toda a comarca.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...

“A forza da gratitude”. Luís Celeiro

“A forza da gratitude”. Luís Celeiro

Daquela, hai algo máis de cincuenta anos, algúns dos aldeáns e aldeás das aldeas de Lugochegaban ao Instituto para abrir as portas do futuro, pechadas a cal e canto para os fillos daMariña, para os das montañas da Fonsagrada, dos Ancares, do Courel e da Lóuzara...