O Concello de Dodro vai presentar esta semana os detalles do seu proxecto para habilitar unha Escola Municipal de Idiomas, con plena actividade para o vindeiro curso (2023-2023).
En colaboración coa ANPA do CRA de Dodro, o Concello celebrará este xoves 1 de xuño ás 20.00 horas, no CPI Eusebio Lorenzo Baleirón, unha reunión informativa na que compartir a proposta do Goberno local para o inicio da actividade da Escola de Idiomas para crianzas de Infantil, ESO, Bacharelato e tamén poboación adulta. Contarase coa colaboración de Get Brit!, entidade especialidade na formación en linguas e na posta en marcha e xestión de escolas de idiomas na xeografía galega e española (con máis de 200 centros de formación xestionados).
